Junior Bedryfstoer Wes-Kaap 2025

Orffer & van der Merwe het weer sy jaarlikse opvoedkundige bedryfstoer vir junior bestuurswerknemers van tafeldruif produsente in die Benede Oranjeriviergebied aangebied vanaf 02-07 Maart 2025.

Die doel van hierdie besoek is om toerlede die geleentheid te bied om die bedryf in die Wes-Kaap te verken en hulself te meet en te leer uit ervarings en suksesse van ander produsente, diensverskaffers en ander belanghebbendes. 

Dit word bereik deur toerlede aan sekere verwante bedrywe in die Wes-Kaap voor te stel en om hulle na plekke te neem waar hulle verwysingsraamwerk verbreed kan word.

Hierdeur word toerlede se visie verbreed tov beste praktyke, nuwe tegnologie en boerderymetodes wat weer tot voordeel van produsente se eie boerdery en hul bedryf aangewend kan word.

Ons was hierdie jaar ʼn lekker groot groep van 53 lede, wat bestaan het uit werknemers van Groenheuwel Boerdery, Karstens Boerdery, Triple D Farms, Dole SA en Nel Broers sowel as ons 2023 & 2024 OPRA Agri Presteerder van die jaar wenners van Green Valley Nuts en Styrkraal.

Ons wil baie dankie sê aan die volgende instansies wat ons besoek het, as deel van die toer, hulle het soveel moeite gedoen met ons besoek:
-Fruitfly Africa in Stellenbosch (vrugtevlieg projek)
-Kelpak te Muizenberg
-Epping vars vrugte- en groentemark
-MPACT  kartonfabriek te Epping
-Stellenpak pakhuis te Klapmuts
-Voorgroenberg Kwekery te Wellington
-Wellington Wines.

Ander besienswaardighede wat by die toer ingesluit was, is:
-Besoek aan Tafelberg
-Bootrit te Houtbaai
-Besoek aan V&A Waterfront Akwarium
-Besoek aan Exotic Animal World Klapmuts
-Bywoning van ‘n sokker wedstryd te Kaapstad/Athlone Stadium.
 
Dan wil ons ook baie dankie sê aan ons drywers van VR1 Transport, wat verseker het dat ons veilig by elke bestemming uitkom.
​
Ons glo dit was vir elke toerlid ʼn baie opvoedkundige en insiggewende toer, wat elkeen nog lank sal bybly.